Imtihan Al-Quba Cijagong

PEMBUKAAN

Tipayun nyanggakeun salam kahurmatan
Ti rombongan anu janten pembukaan
Ka sadaya hadirin nu ngahadiran
Ti teubihna ti cakeutna nyarumpingan
Dina rangka ieu peraya imtihan dina rangka perayaan na imtihan
Aya sae lamun didamel syukuran
Syukur ti sagala rupi kani’matan
Nu ka urang ditibakeun ku pangeran
Sabab lamun jalma henteu rek syukuran
Tina sagala ni’mat nu ti pangeran
Tibatan ni’mat jadi nambahan
Kalah kurang bakal jadi siksaan
Pokokna mah ku sabab tos ngadiwian
Bapak lurah jeung muspika kecamatan
Anu saterasna syukuran imtihan
Bade nyobi murangkalih kekengengan
Diajar sataun dina pendidikan
Enya nambah etang-etang percobian
Alhamdulillah imtihan nu ayeuna
Diselenggarakeun ka opat duana
Insya Alloh kanggo murid anu enggal
Bade nampi deui dina tahun awal
Kanggo gentos murid-murid nu kaluar
Di taun nu kalangkung tos kaluar
Margi pami teu aya gentos nu baru
Tantong pendidikan bakal janten buntu
Generasi penerus anu saestu
Bakal lemah babari ngajurung nafsu
Dina kaayaan dunya nu barobah
Lba jlam nu pecat dina akidah
Agama islam geus jadi loba goyah
Sabab kurang elmu tanal anu fitroh
Margi kitu hayu urang sing sadia
Elmu amal kurang nyata pikeun jaga
Pikeun samperen jga di akhir masa
Sanggeus maot kaasup jalma nu bagja
Anu satersana syukuran terakhir
Ngahaturkeun urang maju aman hadir
Dina rangka tasyakuran ditersakeun
Pangaosan nu mangrupi tasyakuran
Muga bae dina panampilan kirang
Dina tempat sareng tata tertib kirang
Mugi ageing ngamaklum nu ngahadiran
Tina kaleupatan sareng kakirangan
Ti bubuka sakitu nu kahaturkeun
Ayeuna mah mangga geura darangukeun
Pembacaan murangkalih kahaturkeun
Ka sadaya hadirin nu ngarupingkeun
Muga bae bilih aya kaleupatan
Mugi ageing tawakuf jeung ngahapunteun
Panutup nganggakeun salam kahurmatan
Ka hadirin nu ngahaturkeun wassalam

HURU HARA KIAMAT

Kareueung matak luwang
Karasa seber haringhang
Sora eundeur handaruan
Eundeur alam
Cai laut ngaguruh
Ombakna matak ngagolak
Lini gede ngadak-ngadak
Syarattanda kiamat
Bumi eundeur ngageter
Bejad Beulah amburadul
Gunung-gunung ting baliur
Duh matah paur
Burinyai kilat ting beledag
Dibarung ku dordarna geulap
Bentang paburisat
Angin topan nyaksrak
Langit ancur lebur
Bejad alam sajajagat
Manusa pating karoceak
Buriak-riak paburantak
Rawah riwih ceurik
Nginghak jeung sasambat
Kadar datang mangsa
Goledag nyawa dipesat
Seuneu untab-untaban
Panasna taya bandingan
Timbangan amal-amalan
Rek dibuktikeun
Nu beurat kana kahadean
Bungahna nu taya bandingan
Surga ngadagoan
Tempat pangbalikan
Senang sukan-sukan
Moal incah balilahan
Seuneu untab-untaban
Panasna taya bandingan
Timbangan amal-amalan
Rek dibuktikeun
Nu beurat kana kagorengan
Di dinya nandangan siksaan
Timbangan pangeran
Nu taya bandingan
Naraka pangbalikan
Eunggeus ngadagoan

SELINGAN

Hayu urang saradia
Mempeung keur hirup di dunya
Amal keur sampeureun jaga
Di akhir moal sulaya
Geuning maot ngadodoho
Boro sok dipoho-poho
Datang na teu mere nyaho
Ngagerentak taya tempo
Taya beurang taya peuting
Taya raja taya kuring
Di mana ajal tos sumping
Teu menang tempo anaking
Horeng nyawa reujeung badan
Nu geus lila babarengan
Dating mangsa pipisahan
Paturay tineung amitan
Geus waktu ninggalkeun lembur
Rek nunu ka alam kubur
Menang ngali geus diukur
Mahi keur awak sakujur
Rek naon anu dibawa
Duit rea sawah lega
Menang ngumpul-ngumpul tea
Belaan nipu pasea
Menang tisusut tidungdung
Nu sok dipake adigung
Kana salat matak Liwung
Waktu na zakat mang embung
Ibadah ka toler-toler
Nepi kana hulu ngaler
Lamun badan enggeus kempeur
Di tengah imah ngagoler
Lawang amal geus ditutup
Hanjakal keur waktu hirup
Talangke bet henteu sanggup
Padahal waktu mah cukup
Hanjakal aduh hanjakal
Teu getol sadia amal
Padahal geungn padahal
Ngan anal nu jadi bekel
Paingan rosul ngelingan
Dunya mah pangumbaraan
Naha bet kamalinaan
Tonggoy henteu nyubadanan
Ti selingan mung sakitu
Mugi sing janten saestu
Keur dunya akherat justru
Akhirul kalam sakitu

ULAH KAJONGJONAN

Hirup urang ulah kajongjonan
Sabab urang bakal maot
Nu misahkeun kabungahan
Kasenangan kadunyaan
Urang maot, ngan nyorangan
Cul harta cul babarangan
Cul anak cul pamajikan
Biasana sok marengan
Sanggeus badan paturay jeung nyawa
Diriung diceungceurikan
Dimandian dibungkusan
Digotong ka pakuburan
Rap ku padung rap ku lemah
Raga taya pangawasa
Hirupdi dunya geus beak
Rek nuju ka alam bagja
Ku kituna urang kudu eling
Kudu inget kana maot
Prak kukumpul bebekelan
Bawaeun ka pakuburan
Kudu boga pidameleun
Keur nyorangan di kuburan
Nyaeta amal-amalan
Pangajaran kaislaman

SAJAK JAHILIYAH

Jaman jahiliah jaman kebodohan
Dunia gelap udara pengap terasa sesak
Kemaksiatan merajalela perbudakan dimana-mana
Keadilah tidak ditemukan
Berlaku hukum rimba
Yang kurang akan menang
Yang lemah akan kalah
Yang hak menjadi batil
Yang batil menjadi hak
Judi dan minuman mewarnai kehidupan
Jaman jahiliah wanita yang berharga
Berubah nista bagai mainan
Diperlakukan sekendak hilang sifat kemanusiaan
Betapa malam nasibmu
Dunia begitu kejam
Menimpa padamu hawa
Dicampakkan disingkirkan
Tanpa kemanusiaan