1. Struktur nu aya dina biantara sacara garis badagna diantarana nyaeta ….
A. pamuka, eusi, panutup
B. eusi, pamuka, panutup
C. panutup, pamuka, eusi
D. pamuka, panutup, eusi
E. eusi, panutup, pamuka
2. Perhatikeun bagian eusi tina biantara dihandap ieu!
- Kamerdikaan hiji anugrah ti Nu Maha Kawasa
- Kamerdikaan hak unggal Bangsa
- Ngahormat jasa para pahlawan
- Ngeusi ngamerdikaan ku rupa-rupa kagiatan
Kira-kira lamun bagian eusina sakumaha diluhur, pijejereun biantara nu pas nyaeta ….
A. Mieling Pahlawan Boga Jasa
B. Unggal Bangsa Merdeka
C. Mieling Proklamasi Kamerdikaan
D. Harkat Darajat Proklamasi
E. Mieling Proklamasi Unggal Bangsa
3. Perhatikeun kecap-kecapan nu biantara di handap ieu!
Para wargi, kersaning Gusti Nu Maha Suci, dina ieu wengi urang tiasa silaturahmi sakantenan tolabul ilmi. Mugia ieu acara ti kawitan dugika pungkasan sing aya dina kalancaran, sajabi ti eta, mugia bae kahontal sagala rupi pamaksadan. Amin.
Ngilik basana, biantara diluhur aya dina ….
A. Bagian panutup
B. Bagian eusi
C. Bagian pamuka
D. Bagian jejer
E. Bagian kasimpulan
4. Perhatikeun ungkara basa biantara di handap ieu!
Ngadegna simkuring dina ieu danget, teu aya sanes seja ngiring jabung tumalapung sabda tumapalang.
Kitu oge bari jeung dag-dig-dug jajantung, degdegan perasaan, gimir ati, era parada ku teu bisa. Ieu mah etang-etang lauk buruk milu mijah. Ngalantur mugia aya bukur, ngadalak mugi aya nu dicandak.
Supados teu nyangkolong kana waktos, bilih kamalinaan bubukana, nepika cul dogdog tinggal igel engkena, urang tataan naon nu jadi bahan caritaan nu rek jadi picaritaeun.
Kahiji silaturahmi, kadua tolabul ilmi, katilu materi ngaji nyaeta Maulid Nabi, kaopat do’a maranti sangkan ngaji ngarti.
Para hadirin anu dipihormat.
Urang pedar bagian kahiji nyaeta silaturahmi.
Teu aya maksad mamatahan ngojay ka meri atanapi mamatahan naek ka monyet, ieu mah etang-etang ngemutan diri sareung ngimeutan naon anu aya dina diri, saur paripaos tea mah ngabejaan bulu tuur bae. Ari silaturahmi teh faedahna ngajembarkeun kana rizkina sinareng maoskeun kana yuswana, kitu ceunah.
Ungkara basa lauk buruk milu mijah, boga harti ….
A. Pipilueun nyarita da hayang disebut nyaho
B. Pipilueun nyarita kawas jalma nu pinter
C. Pipilueun nyarita dina hiji urusan
D. Pipilueun nyarita bari tatanya
E. Pipilueun wae kana sagala urusan
5. Ungkara basa cul dogdog tinggal igel, boga harti ….
A. Pagawean nu poko diantep kalah migawe nu teu perlu
B. Pagaweannana ngan igel-igel bae
C. Pagaweannana ngan ngantep dogdog bae
D. Pagaweannana teu eureun-eureun
E. Pagaweannana can anggeus bae
6. Ungkara basa mapatahan naek ka monyet, boga harti ….
A. Mapatahan ka diri sorangan
B. Mapatahan ka jalma nu geus nyaho atawa ahlina
C. Mapatahan ka jalma nu teu nyaho
D. Mapatahan diri nu papatahaneun
E. Mapatahan batur ngarah katingali pinter
7. Ungkara basa ngabejaan bulu tuur, boga harti ….
A. Ngabejaan tuur batur
B. Nyorodcod tuur
C. Ngabejaan jalma nu geus nyaho
D. Ngabejaan ngarah batur nyaho
E. Ngabejakeun jalma ka batur
8. Biantara nu hade teh diantarana ….
A. Loba mamanis basana
B. Saeutik heureuyna
C. Kaharti jeung mangpaat eusina
D. Panjang eusina
E. Pondok atawa singket eusina
9. Pibasaeun minangka kecap pamungkas biantara anu merenah jeung bener nyaeta ….
A. Sampurasun
B. Rampes
C. Para wargi anu dipihormat
D. Hatur nuhun kana perhatosannana. Wassalamu’alaikum Wr. Wb.
E. Assalamu’alaikum Wr. Wb. Para hadirin anu dipihormat
10. Pangapunten, abdi teh seja …. dina ieu acara.
A. Henteu gedag bulu salambar
B. Cikaracak ninggang batu, laun-laun jadi legok
C. Banda aalang raga
D. Jabung tumalapung, sabda tumapalang
E. Panteur-anteur julang
11. Hiji jalma bisa apal ka jalma sejenna ku cara paguneman dina tilu perkara, kajaba ….
A. Pikiran
B. Rasa
C. Kahayang
D. Rezeki
E. Kabeh jawaban bener
12. Perhatikeun paguneman di handap ieu!
Dadan : Damang, Bi?
Bi Teti : Pangesto, Dan. Aya hibar. Samulihna, kumaha wartosna?
Dadan : Alhamdulillah abdi oge. Nuju naon Bi? Kumaha upami urang sareng ngurilingan pasar?
Bi Teti : Nyasat ari kitu mah. Apan Bibi nuju reureuh ngantosan pun anak, nembe kukuringan di pasar.
Dadan : euh, paingan atuh. Mangga atuh tuang putra urang pilari, mung abdi kirang terang. Saha jenengannana?
Bi Teti : Namina Odang, diacuk koneng, cureuleuk mung rada jabrig.
Dadan : Jentre pisan Bi!
Nitenan undak-usuk basa nu dipake dina paguneman di luhur, kaasup ….
A. loma
B. kasar
C. lemes
D. alus
E. goreng
13. Kecap jabrig dilarapkeun kana ….
A. Huntu
B. Panon
C. Biwir
D. Halis
E. Buuk
14. Kecap cureuleuk dilarapkeun kana ….
A. Buuk
B. Huntu
C. Panon
D. Halis
E. Biwir
15. Kecap jenengan, lemesna tina kecap ….
A. ngaran
B. wasta
C. nami
D. nama
E. teu aya nu bener
16. Lamun ka saluhureun ngucapkeun “damang”, ka sahandapeun mah ….
A. geuring
B. udzur
C. cageur
D. berag
E. gelo
17. Kabayan : ……….
Iteung : Sinjang anu akang.
Abah : kadieukeun iteung, urang …… dina leutak!
Ambu : enya lah, ……. si borokokok ieuh.
Kecap pananya nu diucapkeun ku si kabayan pasna nyaeta ….
A. Teung, mawa saha?
B. Teung, mawa naon?
C. Iraha mawa, Teung?
D. Kumaha Iteung mawa?
E. Iteung, naha mawa?
18. Dina paguneman di luhur, kecap nu pas jang nyampurnakeun ucapan si Abah, nyaeta ….
A. duruk
B. lelepkeun
C. deang
D. sangray
E. kulub
19. Dina paguneman di luhur, nu dilandih borokokok teh nyaeta ….
A. Ambu
B. Abah
C. Iteung
D. Kabayan
E. Sinjang
20. Dina paguneman di luhur, kecap nu nyampurnakeun ucapan si Ambu teh kecap kasar tina sinjang, nyaeta ….
A. sorban
B. baju
C. calana
D. kaos
E. samping
21. Ceuk pamanggih hideup, naon ari nu disebut biantara teh?
22. Tataan ku anjeun lengkah-lengkah upama rek ngalakukeun biantara!
23. Dina biantara raraga nyambut taun anyar hijriah, tuliskeun ku hidep bagian eusi anu pas!
24. Dina paguneman dua jalma atawa leuwih, aya perkara-perkara nu bisa nembrak. Sebutkeun!
25. Jieun hiji teks paguneman antara tilu jalma anu eusina bebas nyaritakeun naon bae!
